بابەتە سەرەکییەکە: وەزارەتی خوێندنی باڵا و توێژینەوەی زانستی ئاشکرای دەکات، پشووەکانی وەزارەتی پەروەردا ناوەندەکانی سەر بە وەزارەتەکەی ئەوان ناگرێتەوە.

کێ وتی: عەباس ئەکرەم وتەبێژی وەزارەتی خوێندنی باڵا رایگەیاند: سەرجەم زانکۆکانی هەرێمی کوردستان رۆژمێری تایبەت بە خۆیان هەیە و هیچ پەیوەندییەکیان بە وەزارەتی پەروەردەوە نییە.

زیاتر: ئەو رۆژانەی دوێنێ یەکشەممە وەزارەتی پەروەردە وەکو پشو رایگەیاندون تەنها بۆ دەوامی خوێندکارانە لە خوێندنگەکان و خوێندکارانی زانکۆ و پەیمانگاکان ناگرێتەوە.

بیرخستنەوە: وەزارەتی پەروەردەی حکومەتی هەرێم بڵاویکردوەتەوە، لە رۆژی 11ی ئەم مانگەوە تاوەکو رۆژی دوشەممە 24ی مانگ لە سەرجەم ناوەندەکانی سەر بەو وەزارەتە پشوی فەرمی دەبێت.