بابەتە سەرەکییەکە: ئارایشتگایەکی شاری سلێمانی لەلایەن قائیمقامیەتەوە دادەخرێت کە بەبێ مۆڵەت کاری پزیشکی ئەنجامداوە.

راگەیەندراوی فەرمی: قائیمقامیەتی سلێمانی بڵاویکردەوە، لە چوارچێوەی ئەو سەردان و گەران و پشکنینانەی کە لیژنەی ئارایشتگاکان بۆ چاودێریکرنی ئاریشتگا و سەنتەرەکانی جوانکاری لە سنوری شاری سلێمانی ئەنجامی دەدات، ئەمڕۆ پێنجشەممە ئارایشتگای ئاهوو لە گەرەکی کانی کوردە داخرا.

ئاماژە بەوەکراوە: ''خاوەنی ئارایشتگای “ئاهوو” بەدەر لە رێنماییەکان و بێ هەبوونی مۆڵەت چەند کارێکی ئەنجامداوە، وەکو (گوێ سمین، فیللەر، بۆتۆکس، هایدرافەیشەڵ و دانانی نینۆک)، کە هەر یەک لەو کارانە دەبێت لە لایەن پزیشک یاخود کەسی پسپۆرەوە ئەنجامبدرێت و مۆڵەتیشیان بۆ کارکردن هەبێت.''

ئەوەشی وت: ''جگە لەوانە چەند سەرپێچییەکی تری ئەنجامداوە وەکو نەبوونی کامێرای چاودێری و لە ئارایشتگاکە بەوهۆیانەوە قائیمقامی سلێمانی دەستبەجێ رەزامەندی دەربڕیوە لەسەر داخستنی ئارایشتگاکە''.

زیاتر: لە بڵاوکراوەکەی قائیمقامیەتی سلێمانی ئەوەخراوەتەروو، ''بەپێی رێنماییەکان و لە سنووری شاری سلێمانی، رێگە بە کارکردنی ئارایشتگاکان دەدرێت، بەو مەرجەی هەر ئارایشتگایەک مۆڵەتی فەرمی لە لایەنە پەیوەندیدارەکانی وەرگرتبێت و بۆ ئەنجامدانی هەرکارێکی جوانکاریی بەبەکارهێنانی دەرزی دەبێت لەلایەن پزیشک یاخود کەسی خاوەن پسپۆرەوە ئەنجامی بدرێت.''