بابەتە سەرەکیەکە: عەلی خامنەیی رێبەری باڵای کۆماری ئیسلامی ئێران لەگەڵ کۆمەڵێک لە بەرپرسانی ئێران لەگەڵ رێبەری باڵای وڵات، دیداری ئەنجامدا و وتارێکی پێشکەشکرد.

چی وت: عەلی خامنەیی رایگەیاند؛ بانگەشەکانی ئەوروپیەکان کە گوایە ئێران پابەند نییە بە بەڵێنەکانی درۆیە و، بێڕێزییش سنوری هەیە.

ئەمەشی وت: ئێمە ناتوانین لە بابەتە جۆراوجۆرەکانی خۆماندا شوێن شارستانیەتی ماددی رۆژئاوا بکەوین، شارستانیەتی رۆژئاواش سودی هەیە و هیچ گومانی تێدا نییە و ئێمە لە هەر شوێنێکی جیهان سود لە لایەنە ئەرێنییەکان وەردەگرین.

هاوکات: رێبەری باڵای ئێران وتیشی؛ چ لە رۆژئاوا بێت یان لە رۆژهەڵات دەتوانین لێیان فێر بین بەڵام ناتوانین پشت بە پرەنسیپەکانی ئەو شارستانیە ببەستین چونکە بنەماکانی ئەو شارستانیەت هەڵەن و ناکۆکن لەگەڵ پرەنسیپەکانی ئیسلام.

وتیشی: پێداگری هەندێک وڵاتی خۆبەزلزان لەسەر دانوستان بۆ چارەسەرکردنی کێشەکان نییە، بەڵکو بۆ سەپاندنی دەسەڵاتی خۆیان و داواکارییەکانیانە، ئێرانیش هەرگیز داواکارییەکانیان قبوڵ ناکات.

زیاتر: عەلی خامنەیی جەختی لەوەشکردەوە، کە ناچینە‌ ژێر بار و فشاری دانوستانی هیچ وڵاتێکی خۆبەزلزان و خۆسەپێن، هەروەها تاران هه‌رگیز به‌و داواكارییانه‌ رازی نابێت كه‌ داوای هه‌ڵوه‌شاندنه‌وه‌ی به‌رنامه‌ی ئه‌تۆمی لێ ده‌كه‌ن.