بابەتە سەرەکییەکە:
بەردی بناغەی پردی تەنگی سەید محەمەد لەلایەن قوباد تاڵەبانی جێگری سەرۆک وەزیرانی
هەرێمی کوردستانەوە دانرا.
هاوکات: دانا
عەبدولکەریم وەزیری ئاوەدانکردنەوە و نیشتەجێکردنی هەرێم، نوخشە ناسیح پارێزگای
هەڵەبجە بە وەکالەت و بەڕێوەبەری کۆمپانیای جێبەجێکاری پرۆژەکەش ئامادەی مەراسیمەکە
بون.
ئەوەی پێویستە بیزانیت:
پردی تەنگی سەید محەمەد لەسەر روباری سیوران دروستدەکرێت و پارێزگای هەڵەبجە بە
ئیدارەی سەربەخۆی گەرمیانەوە دەبەستێتەوە، درێژییەکەی 600 مەتر دەبێت و نزیکەی 27 ملیار دینار تێچوی دەبێت، هەروەها بڕیارە لە ماوەی 900 رۆژدا کارەکانی
تەواو بکرێت.
لەلایەکی ترەوە: دانا
عەبدولکەریم وەزیری ئاوەدانکردنەوە رایگەیاند: لە داهاتویەکی نزیکیشدا پرۆژەی
رێگای هەڵەبجە – دەروازەی سازان دەچێتە بواری جێبەجێکردنەوە.