چی روویدا: هەڵبژاردەی ئۆڵەمپی عێراق یەکەم یاری خۆی لە
ئۆڵۆمپیادی پاریس بردەوە و هەڵبژاردەی ئۆڵەمپی ئۆکرانیای بەزاند.
زانیاری: گێمی یەکەمی یارییەکە بەبێ بەرامبەر و بەبێ
تۆمارکردنی هیچ گۆڵێک کۆتاییهات، لە سەرەتای گێمی دووەم و لە خولەکی ٥٣ ئۆکرانییەکان
گۆڵی یەکەمیان تۆمارکرد، زۆری نەخایاند و لە خولەکی ٥٧دا ئەیمەن حسێن لە رێگەی
لێدانێکی سزاوە گۆڵی یەکسانکردنەوەی بۆ عێراق تۆمارکرد.
زیاتر: دوای چەند خولەکێک عەلی جاسم هاتە ناو یاریگا و
گۆڵی دووەم و سەرکەوتنی بۆ هەڵبژاردەی ئۆڵەمپی عێراق تۆمارکرد، بەوەش یارییەکە بە
دوو گۆڵ بەرامبەر بە گۆڵێک لە بەرژەوەندی شێرەکانی رافیدەین کۆتاییهات.