چی روویدا: دوای ١٠ مانگ لە بەڕێوەچوونی هەڵبژاردنی ئەنجومەنی پارێزگاکان، پارێزگاری دیالە و سەرۆکی ئەنجومەنى پارێزگا و جێگرەکانیان هەڵبژێردران.
زانیاری: لە کۆبونەوەی درەنگانی ئەمشەوی ئەنجومەنی پارێزگای دیالە، بە کۆی دەنگی ئەندامان پۆستەکانی پارێزگاری دیالەو جێگرەکانی و سەرۆکی ئەنجومەنی پارێزگاو جێگرەکانی هەڵبژێردران.
زیاتر: لەکۆبونەوەکەی ئەنجومەنی پارێزگادا بەزۆرینەی دەنگ بڕیاردرا پۆستی پارێزگاری دیالە بدرێت بە عەدنان جایر ئەلشەمەری. هاوکات مستەفا تاڵب لوهەیبی بە جێگری یەکەم و غازی جبوری وەک جێگری هونەری پارێزگار هەڵبژێردران.
ئەمەش هەیە: هەر لەو لەدانیشتنەکەدا، عومەر کەڕەوی وەک سەرۆکی ئەنجومەنی پارێزگای دیالە هەڵبژێردرا، هاوکات سالم تەمیمی وەک جێگری یەکەمی و غازی فەیسەڵیش وەک جێگری دوەمی سەرۆکی ئەنجومەنەکە هەڵبژێردران.