سەرۆکی یانەی ریاڵ مەدرید هەڕەشەکانی سەرۆکی یەکێتی
تۆپی پێی ئەوروپای رەتکردەوە، کە هەڕەشەی رێگریکردن لە یاریزانی یانە بەشداربووەکانی
خولی "سوپەر لیگ" کردبوو، لە بەشداریکردنیان لە پاڵەوانێتی تۆپی پێی جیهان
و جامی نەتەوەکانی ئەوروپا.
فلۆرنتینۆ پێرێز، سەرۆکی یانەی ریاڵ مەدرید لە
چاوپێکەوتنێکی تەلەفزیۆنی رایگەیاند:" پێویستە یاریزانان هێمن بن و هیچ کەسێکیان
رێگرییان لێ ناکرێت لە بەشداریکردن لە پاڵەوانێتییەکانی تۆپی پێی جیهان و نەتەوەکانی
ئەوروپا لەگەڵ هەڵبژاردەکانیان".
راگەیاندنی پێشنیاری پێکهێنانی خولێکی نوێی تۆپی
پێ لە ئەوروپا بە ناوی "سوپەر لیگ" کاردانەوەی زۆری یەکێتی تۆپی پێی
ئەوروپای بە دوای خۆیدا هێنا و ئالێکساندەر چێڤرین، سەرۆکی یەکێتییەکە هەڕەشەی
ئەوەی کرد یاریزانانی ئەو یانانەی بەشداری لە خولە نوێیەکە دەکەن، رێگریان لێ
دەکرێت لەوەی بەشداری لە پاڵەوانێتییە نیۆدەوڵەتییەکان بکەن لەگەڵ هەڵبژاردەکانیان.