بە خزمەتگوزارییە نوێیەکەی ئەپڵ، چێتر کات بەفیڕۆمەدە بە گەڕان بەدوای ئەو کەلوپەلانەی ونیان دەکەیت.
کۆمپانیای ئەپڵ لە دوا داهێنانیدا خزمەتگوزارییەکی نوێ پێشکەش بە بەکاربەرانی دەکات، ئەویش ناوی (ئەیر تاگ)ە و تایبەتە بە دۆزینەوەی ئەو شتانەی کە ئامێرەکەیان لەسەر جێگیردەکەیت.
داهێنانە نوێیەکەی ئەپڵ، قەبارەیەکی بچوکی هەیە و لەسەر ئەو کەلوپەلانە جێگیردەکرێت کە بچوکن و ئەگەری ونبونیان هەیە وەک مۆبایل و ئەیرپۆد و چەند کەلوپەلێکی دیکە".
لە کاتی جێگیرکردنی ئامێرەکە لەسەر کەلوپەلەکان، ئەوا دەتوانیت ئامێرەکە بە مۆبایلە ئایفۆنەکەت پەیوەستبکەیت و لە کاتی ونکردنیاندا یان لەبیرکردنی شوێنەکانیان، ئەوا دەتوانیت زەنگێک لێبدەیت یاخود بە وردی لە رێگەی نەخشەوە شوێنەکەی بدۆزیتەوە.