بەرپرسێکی باڵای روسیا ئاماژە بەوەدەکات، هەمیشە هەڕەشەی بەکارهێنانی
چەکی ئەتۆمی لە ئارادایە.
هیچ کەس خوازیاری جەنگ نییە
دیمێتری
میدفێدیف جێگری سەرۆکی ئەنجومەنی ئاسایشی روسیا رایگەیاند:" هیچ کەس خوازیاری
جەنگ نییە، بەڵام هەڕەشەی بەکارهێنانی چەکی ئەتۆمی هەمیشە لە ئارادایە، بۆیە دەبێت
سیاسەتێکی بەرپرسیارانە پەیڕەو بکەین".
ئەوە راستییە
ئاماژەی بەوەشکرد:" رەنگە ئەو شیکردنەوەیەکی رەشبینانەبێت کاتێک
باسلەوەدەکەم، هەڕەشەی چەکی ئەتۆمی هەمیشە لە ئارادایە، بەڵام ئەوە راستییە، رەنگە
چەکی ئەتۆمی ببێتە هۆی رێگریکردن لە جەنگێکی گەورە و کۆتایی بە ململانێکان
بهێنێت".
بەرەبەیانی ٢٤ی مانگی رابردوو، سوپای روسیا بە فەرمانی ڤلادمێر پوتینی
سەرۆکی وڵاتەکە هێرشەکانی بۆسەر روسیا دەستپێکرد و لە بەرامبەریشدا هێزە
چەکدارەکانی ئۆکرانیا بەرگرییەکی توندیان دەستپێکرد، هەروەها وڵاتانی ئەندام لە
هاوپەیمانی ناتۆش بەردەوامن لەسەر سەپاندنی سزا بەسەر روسیادا و پاڵپشتیکردنی
ئۆکرانیا، لە کۆتا لێدوانیشدا وتەبێژی کۆشکی کرملنی روسیا ئەوەیخستەڕوو، ئەگەر
هەڕەشە لەسەر وڵاتەکەیان دروستببێت دوو دڵ نابن لە بەکارهێنانی چەکی ئەتۆمی.