نیوەڕۆی ئەمڕۆ، گەنجێکی بە رەگەز عەرەب، کە دانیشتووی شاری هەولێرە لە کاتی مەلەکردن لە دەریاچەی دوکان خنکا.
بەپێی زانیارییەکانی BMC، نیوەڕۆی ئەمڕۆ هەینی، گەنجێکی بە رەگەز عەرەب، کە خەڵکی سوریایە و دانیشتووی شاری هەولێرە، لەگەڵ هاوڕێکانی بە مەبەستی گەشت و سەیران روویان لە دەریاچەی دوکان کردووە و دواتر لە کاتی مەلەکردندا خنکاوە.
هەر بەپێی زانیارییەکان، تەرمی گەنجە عەرەبەکە لەلایەن مەلەوانێکی دەریاچەکەوە، کە بەلەمەی پێبووە دەرهێندراوەتەوە و دواتریش تەرمەکەی گەیەندراوەتە نەخۆشخانەی شەهید عەریب هەڵەدنی لە دوکان.
BMC زانیویەتی، لە ئێستادا تەرمی گەنجە عەرەبەکە لە نەخۆشخانە رێککاری یاسای و پزیشکی بۆ دەکرێت و بڕیاریشە دوای تەواوبوونی بە مەبەستی توێککاری زیاتر رەوانەی پزیشکی دادی سلێمانی بکرێت.