دەسەڵاتی دادوەری ئێران بەردەوامە لە جێبەجێکردنی سزای لەسێدارەدان و لەو
چوارچێوەیەشدا هاوڵاتییەکی دیکەی کورد لەسێدارەدرا.
رێکخراوی هەنگاو بۆ مافەکانی مرۆڤ رایگەیاند:" بەگوێرەی راپۆرتی
گەیشتوو بە رێکخراوەکەمان، سزای لەسێدارەدان بەسەر هاوڵاتییەکی خەڵکی کرماشان لە
بەندیخانەی ناوەندیی شاری سنە جێبەجێکراوە".
ئاماژەی بەوەشکرد:" ئەو هاوڵاتییەی لەسێدارە دراوە ناوی سەعید
محەمەدیفەڕ بووە و تۆمەتبار بووە بە کوشتنی بە ئەنقەست، دواتریش لەلایەن دەسەڵاتی
دادوەرییەوە سزای لەسێدارەدانی بەسەردا سەپێنراوە".
بەگوێرەی ئامارە نافەرمییەکان، تەنها لەماوەی هەفتەی رابردوودا،سزای
لەسێدارەدان بەسەر ١٥ کەس لە رۆژهەڵاتی کوردستان و ئێراندا جێبەجێکراوە.