توێژەرێكی بەناوبانگی ئەمریكا و سەنتەری توێژینەوەی ئاسایشی نیشتیمانی و بەرگری لە ئەمریكا رایدەگەیەنێت، بافڵ جەلال تاڵەبانی، سەرۆكی یەكێتیی نیشتیمانیی كوردستان بانگهێشتی ویلایەتە یەكگرتووەكانی ئەمریكا دەكرێت بە مەبەستی رێكخستنی دیدارێكی تایبەت.
جۆناسان لۆرد، توێژەر لە سەنتەری نێودەوڵەتی CNAS، ئەمریكی بۆ سیاسەتی ئاسایشی نیشتمانی و بەرگری لە تویتێكدا بڵاویكردەوە:" بە ئەگەرێكی زۆرەوە كاك بافڵ تاڵەبانی بانگێشتی دیدارێكی سەنتەرەكەیان دەكەن لە واشنتنی پایتەختی ئەمریكا".
ئەمەش لە كاتێكدایە كە چەند رۆژێك لەمەوبەر سەرۆكی یەكێتیی نیشتیمانی كوردستان بە سەردانێكی فەرمی گەیشتە لەندەینی پایتەخت و لە خانەی بیری (چارسم هاوس) چەند كۆبوونەوەیەكی گرنگی ئەنجامدا.