شیکەرەوەیەکی سیاسی رایدەگەیەنێت، هۆکاری قەیرانی دۆلار کە ماوەیەکە بەردەوامە سیاسییە.
کازم حاجی، شیکەرەوەی سیاسی عێراقی رایگەیاند:" گومانی تێدا نییە ئەو قەیرانەی دۆلار کە چەند مانگێکە سەریهەڵداوە سیاسییە، مەبەستیش لێی بە ئامانجگرتنی سودانی و حکومەتەکەیەتی".
وتیشی:" لایەنی پشت ئەو بەئامانجگرتنە ئەمەریکا و لایەنە ناوخۆییەکانن کە دەیانەوێت یاری بە بازاڕەکان بکەن، کە ئەمە زۆر بە روونی دیارە، بەتایبەتیش دوای ئەوەی سودانی سەرکەوتنی بەدەستهێنا لە زۆرێک لە مەلەفە خزمەتگوزارییەکاندا".
کازم حاجی دەڵێت:" هەندێک کەس ئەو سەرکەوتنەیان ناوێت بۆ ئەوەش پشێوی لە دۆخی ئابووریدا درووستدەکەن، کە ئەمەش کاریگەری راستەوخۆی دەبێت لەسەر هاوڵاتییان".