بابەتی سەرەکی: قوباد تاڵەبانی رایگەیاند، ئەمڕۆ یەکێتی لە هەموو کاتێکی تر زیاتر یەک دەنگ و یەک هەڵوێست و یەک گوتارە.

راگەیەندراوی فەرمی: قوباد تاڵەبانی، ئەندامی مەکتەبی سیاسی یەکێتی و لێپرسراوی مەکتەبی سکرتاریەتی سەرۆک مام جەلال دەڵێت:" ئەم یەکگرتوویەی یەکێتی بووەتە مایەی پتەوترکردنی پێگەکەی لەسەر هەردوو ئاستی هەرێم و عیراق کە سەرەنجام بە قازانج و بەرژەوەندی میللەتی کورد دەشکێتەوە".

ئەمەشی وت: سەرکەوتنە یەک لەدوای یەکەکانی یەکێتی لە موسڵ و کەرکوک و بەغدای بە بەرجەستەبوونی ئەو یەکریزییەی ناو یەکێتییە.

چی تر: قوباد تاڵەبانی باسی لەوەشکرد:" ئومێد دەکرێت ئەو زنجیرە سەرکەوتنانە، رەنگدانەوەیان لە هەڵبژاردنی داهاتووی پەرلەمانی کوردستاندا هەبێت".

زیاتر: ئەم قسانەی قوباد تاڵەبانی لەکاتێکدا بووە، کە ئەمڕۆ شەممە، شێخ جەعفەر شێخ مستەفا لێپرسراوی ئەنجومەنی پاراستنی بەرژەوەندییە باڵاكانی یەكێتیی نیشتمانیی كوردستان و قوباد تاڵەبانی ئەندامی مەکتەبی سیاسی و لێپرسراوی مەکتەبی سکرتاریەتی سەرۆک مام جەلال، لەگەڵ ژمارەیەک لە تێکۆشەرانی هێزی یەدەکی پێشمەرگەی کوردستان کۆبوونەوە