چی روویدا: ئەمڕۆ بۆ یەکەمینجار مووچەی مانگی تەمموزی خانەنشینانی هەرێمی کوردستان بە هاوتاکراوی لەگەڵ بەغدا دابەشکرا، بەڵام هاوتاکردنەکە خانەنشیانی سەربازی نەگرتەوە.

کێ وتی: شێخ عەزیز عەلی، بەڕێوەبەری خانەنشینیی پێشمەرگە لە سلێمانی دەڵێت:" کێشەیەک لە وەزارەتی پێشمەرگە هەبوو، بۆیە هاوتاکردنی مووچەی خانەنشینانی پێشمەرگە لە مانگی تەممووز جێبەجێ نەکرا."

وردتر: ئەوانەی تازە خانەنشین بوون مووچەی بنەڕەتییان کەمدەبێتەوە و دەرماڵەکانیان دەبڕدرێت، بۆیە وەزارەتی پێشمەرگە داوای لە ئەنجومەنی وەزیران و وەزارەتی دارایی کردووە مووچەی ئەم مانگەی خانەنشینانی سەربازی بە لیستە کۆنەکە دابەشبکرێت، تاوەکو چارەسەرێکی بۆ دەدۆزرێتەوە."