ئاژانسی نیشتیمانی بۆ فڕینەكانی بۆشایی ئاسمانی ئەمریكا (ناسا) رایگەیاند، توانیویانە ئۆکسجین
لە بەرگەهەوای مەریخدا بەرهەمبهێنن و ئەمەش سوودێکی زۆری بۆ گەشتەکانی داهاتوو
دەبێت.
ماڵپەری ساینس ئەلێرت بڵاویکردەوە:" ئاژانسی نیشتیمانی بۆ فڕینەكانی بۆشایی ئاسمانی ئەمریكا (ناسا) توانیویەتی لە رێگەی ئامرازێکەوە بە ناوی مۆکسی، ئەو گەردیلانەی
هەوای مەریخ بشکێنێت کە لە رێگەیانەوە ئۆکسجینی کەم و بەردەوام دروستدەبێت".
هاوکات پامێلا میلرۆی جێگری بەڕێوەبەری دەزگای ناوبراو
لەوبارەیەوە رایگەیاند:" ئەوە جێگەی سەرنجە ئەوەیە کە دەتوانرێت ئۆکسجین لە
بەرگەهەوای مەریخەوە بەرهەمبهێندرێت".
ئاماژەی بەوەشکرد:" دەرهێنانی ئۆکسجین لە
بەرگەهەوای هەسارەی ناوبراو، دەتوانێت یارمەتیدەربێت لە دابینکردنی هەوای پێویست
بۆ هەناسەدان و سووتەمەنیش بۆ ئەو مووشەکانە دابینبکات کە لە ماوەکانی داهاتوودا
کەشتیوانەکان بەکاریدەهێنن".
وتیشی:" ئەمە هەنگاوێکی زۆر گرنگە بۆ ئەوەی گەشتەکانی
داهاتوو بۆسەر هەسارەکە درێژخایەنتربن و مرۆڤیش بتوانێت لێکۆڵینەوەی زیاتر بکات
بۆئەوەی بە تەواوەتی بسەلمێنرێت کە ژیان لەسەر مەریخ بوونی هەیە یاخود نا".