شانەی راگەیاندنی ئەمنی عێراق رایگەیاند، هێزێكی تایبەت لە ئۆپراسیۆنێكی تایبەتدا توانیویانە تۆڕێكی تیرۆریستی مەترسیدار دەستگیربكەن كە ویستویانە كاری خۆكوژی ئەنجامبدەن.
شانەی راگەیاندنی ئەمنی لە راگەیەندراوێكدا بڵاویكردەوە:" دوای چاودێریكردنی ورد بۆ جموجۆڵەكان و کۆکردنەوەی زانیاری، سەرئەنجام توانرا تۆڕێكی تیرۆریستی دەستگیربكرێن، كە دانیان بەوەدا ناوە كە سەر بە باندە تیرۆریستییەكانن و ڕاهێنانی بەرفراوانیان لەسەر دروستكردنی ئامێری تەقەمەنی و پشتێن و كەرەستەی خۆكوژی وەرگرتووە".
ئاماژەی بەوەشكردووە:" ئەم تۆڕە هەوڵیاوە كاری خۆكوژی لە بەغدا و بەرامبەر سەردانكارانی ئیمام حسێن ئەنجامبدەن، بەڵام بەهۆی گومانەكانەوە ئەو كارەیان هەلوەشاندووتەوە و ویستویانە تەنها كردەوەی تیرۆریستی و خۆكوژی ئەنجام بدەن، بەڵام دەستگیركراون".