وەزارەتی دارایی عێراق رەتیکردەوە هێرشی ئەلیکترۆنی کرابێتە
سەر سیستمە ئەلیکترۆنییەکانی وەزارەتەکە.
وەزارەتی دارایی عێراق لە روونکردنەوەیەکدا ئاماژەی
بەوەکرد:" ئەو دەنگۆیانەی لە تۆڕەکۆمەڵایەتییەکان بڵاوکراونەتەوە و باس
لەوەدەکەن هێرشی ئەلیکترۆنی کراوەتەسەر وەزارەتەکەمان دوورن لە راستییەوە.
ئەوەشی خستەڕوو:" سیستمە ئەلیکترۆنییەکانی
وەزارەتمان بە نوێترین سیستمی ئەمنی کاردەکات و ناتوانرێت هاک بکرێت ".
وەزارەتی دارایی باسی لەوەشکرد:" تەنها ئەو
هەواڵانە راست و دروستن کە لە ماڵپەڕی فەرمی وەزارەت بڵاودەکرێنەوە ".