بابەتە سەرەکیەکە: شێخ ئەحمەد حەمە کەریم ئەندامی
مەکتەبی سیاسی یەکێتی بە بۆنەی کۆتاییهاتنی هەڵبژاردن و سەرکەوتنی حزبەکەی پەیامێکی
ئاراستەی خەڵکی گەرمیان دەکات.
چی وت: زانایانی ئاینی، گەنجان و مامۆستایان و خوێندکاران، کاسب کار و پیشەوەران ، کادرانی
رێکخستن و فەرمانبەرە پلە جیاوازەکانی ئیدارەی خۆجێی، کەسوکاری ئەنفال و شەھیدان
پێشمەرگە و تێکۆشەرە دێرینەکان، کارمەندانی ھێزەکانی ناوخۆ، ھەمو گەرمیانیە ئازا و
سەربەرزەکانی ناوەندی شار و گوندەکان.
ئەمەشی وت: سوپاسی متمانە و پشتیوانیتان ئەکەین لەسەرخستنی لیستی 129ـی
یەکێتی نیشتیمانی کوردستان ، ماندوو بوون و بە دەنگەوە ھاتن و ھەوڵەکانی ئێوە
دەنگەکانی یەکێتی نیشتیمانی کوردستانی لە سنوری بازنەی ھەڵبژاردنی گەرمیان بۆ
زیاتر لەسەدا سەد بەرز کردەوە
چی دیکە: لە رۆژەکانی سەرەتای بانگەشەی ھەڵبژاردندا ئێمە
پێمان وتن ئێوەی گەرمیانی خاوەنی یەکێتین و دڵنیا بوین گەرمیانیەکان ھەرچەند
نیگەران و توڕە بن بەڵام ھەرگیز پشتی ئێمە بەرنادەن ، ئەوەتا سەلماندتان ھەر خۆتان
خاوەنی یەکێتین و بە دەنگ و پشتیوانی دڵسۆزانەی ئێوە سەنگ و پێگەی یەکێتی لە
گەرمیان و کوردستان قوناغ بە قۆناغ دەگاتەوە پێگە راستیەکەی خۆی گەرمیانیە
راستگۆ و دڵسۆزەکان.
وتیشی: ئێمە خاوەنی بەڵێنەکانی خۆمانین ، کاری پێکەوەیی ئێمە و ئێوە
بۆ خزمەتی گەرمیان و ھەمو کوردستان لێرە بە دوا دەست پێ ئەکا و یەک بە یەکی
بەڵێنەکانی ئێمەو تەواوی داواو خواست و پێداویستیە رەواو سەرەکیەکانی ئێوە دەبێتە
کارنامەو پلانی یەکێتی بۆ حوکمڕانی داھاتوو.
زیاتر: لە
دیدارەکانی رۆژانی بانگەشەدا پێمان وتن، لێرەشەوە جارێکی تر دوپاتیدەکەینەوە
کارنامە و ستراتیژی تازەی یەکێتی و سەرۆک سەرکردایەتیەکەی خزمەت کردن و گەڕانەوەیە
بۆ ناو خەڵک و یەکێتی دەستبەرداری گەرمیان و گەرمیانیەکان نابێت .