دوای ئەوەی تیپی لاوانی باسکەی یانەی وەرزشی دەربەندیخان پلەی یەکەمیان لەسەر ئاستی لاوانی عێراق بەدەستهێنا، لەلایەن نوسینگەی قوباد تاڵەبانییەوە پێشوازییان لێکرا و خەڵاتکران.

یانەی وەرزشی دەربەندیخان ئاماژەی بەوەکرد:" نوسینگەی قوباد تاڵەبانی جێگری سەرۆکی حکومەتی هەرێم کە لە رابردوودا ھاوكاری ماددی و مەعنەوی یانەکەمانیان کردووە، بەڵێنی بەردەوامیان دووپاتکردەوە، کە بەردەوام پاڵپشت و ھاوکاری سەرجەم بەشەکانی یانەکە بن ".

یانەی وەرزشی دەربەندیخان ئەوەشی خستەڕوو:" سوپاسی قوباد تاڵەبانی دەکەین لەپای ئەو خزمەت و ھاوکارییانەی بەردەوام پێشکەشی یانەکەمانی دەەکات، پاڵپشتی و ھاوکارییەکانی بەرز دەنرخێنین  ".