بەڕێوەبەرایەتی هاتووچۆی سلێمانی رایگەیاند، چەند شەقامێکی
ناوبازاڕی شارەکە بەهۆی مەراسیمی تایبەت بە ساڵیادی سلێمانی دادەخرێن.
بەڕێوەبەرایەتی هاتووچۆی سلێمانی رایگەیاند:"
ئاگاداری هاوڵاتییان و شۆفێران دەکەینەوە کە لە کاتژمێر ١٠:٠٠ی ئەمشەو یەکشەممەوە،
بەهۆی مەراسیمی ساڵیادی دامەزراندنی سلێمانییەوە چەند شەقامێک بەربەست دەکرێن
تاوەکو رۆژی ١٤ی تشرینی دووەم کاتژمێر ١٢:٠٠ی شەو".
ئاشکراشیکرد:" ئەو شەقامانەی بەربەست دەکرێن بریتین
لە شەقامەکانی سابونکەران بۆ بەردەکی سەرا و ئاڕاستەی مزگەوتی گەورە، لە بەردەکی
سەراش بۆ شەقامی مەولەوی بەربەست دەکرێت و لە شەقامی پیرەمێریدیش بەرەو ئاڕاستەی
بەردەرکی سەرا بە هەمانشێوە".
باسی لەوەشکرد:" شەقامی سابونکەران بە ئاڕاستەی
شەقامی کاوە کراوە دەبێت و لە شەقامی پیرەمێردیش ئۆتۆمبێلەکان ئاڕاستەی شەقامی
گۆران (ئۆرزدی) دەکرێن".