بابەتە سەرەکیەکە: كۆمیته‌ی ناوه‌ندیی پارتی دیموكراتی كوردستان به‌ سەرپەرشتی مەسعود  بارزانی كۆبوه‌وه‌ و پرسی پێکهێنانى کابینەى دەیەمى حکومەتى هەرێمى کوردستان تاوتوێکرد.

راگەیەندراوی فەرمی: كۆمیتەی ناوەندیی پارتی دیموكراتی كوردستان رایگەیاند: دواى ئەنجامدانى هەڵبژاردن لە 20ـی ئۆکتۆبەى 2024، پارتی لیژنەیەکى باڵاى تایبەتى بۆ گفتوگۆ لەگەڵ لایەنەکان پێکهێنا و دواى راگەیاندنى ئەنجامەکانى هەڵبژاردن لیژنەکەمان سەردانى تەواوى ئەو لایەنە سیاسییانەى کە بەشدارى هەڵبژاردن بون کرد.

ئەمەش هەیە: بیروڕا گۆڕینەوە و زەمینەخۆشکەر بوە بۆ کۆبونەوە و دەستبەکاربونى پەرلەمان و پێکهێنانى کابینەى نوێ لە چەندین گەڕى کۆبونەوەکان لێکتێگەیشتن و لێکنزیکبونەوە دروست بوە لەسەر زۆر بابەتى سیاسى و ئیدارى لەگەڵ یەکێتى نیشتمانی کوردستان هاوڕایى دروست بوە.

هاوکات: پێویستى بە گفتوگۆى زیاتر هەیە کە لەم هەفتەیەدا دەست پێدەکات و چاوەڕوانین لە کاتێکى نزیکدا موژدەى پێکهێنانى سەرۆکایەتى پەرلەمان و کابینەى نوێ لە سەر بنەماى یەک هەرێم، یەک حکومەت، یەک هێزى لەشکر، رابگەیەندرێ.