فەرماندەیی هێزە ئاسمانییەكانی هیندستان (بەهارات) رایگەیاند، بەهۆی بینین و فڕینی تەنێكی نامۆ لە ئاسمانی ئیمفالدا پایتەختی هەرێمی مانیپور چەند فڕۆكەیەك بەرەوڕووی ئاڕاستەكران.
بەپێی رۆژنامەی The Times of India ی هیندستانی، فەرماندەیی هێزە ئاسمانییەكانی هیندستان (بەهارات) لە راگەیەندراوێكدا بڵاویكردەوە:" تەنێكی نامۆ كە لە ئاسمانی شاری ئیمفالدا بینراو دەفڕی، چەند فڕۆكەیەكی تایبەتی سەر بە فەرماندەییەكەیان بۆ ئەنجامدانی پەیجۆری رووە و ئاڕاستەی ئەو تەنە نامۆیە كران". 
ئاماژەی بەوەشكردووە:" هێزەكانی فەرماندەییەكە لەرێگای دوو فڕۆكەی هێرشبەر لە جۆری رافاڵ لێكۆڵینەوە و ئۆپراسۆنی نزیكبوونەوەیان لەو تەنە نامۆیە دەستپێكرد، بەڵام لەكاتی فڕیندا لە بەرزاییە نزمەكاندا، هیچ تەنێكی نامۆ بەدینەكرا". 
یەكێك لە بەڕێوەبەرانی فڕۆكەخانەی شارەكە رایگەیاند:" تەنەكە بۆ ماوەی زیاتر لە كاتژمێرك لە ئاسمانی شارەكە و لەدەوروبەری فڕۆكەخانەكە سوڕاوەتەوە، بەهۆیەوە بەشێكی زۆری گەشتە ئاسمانییەكانی فڕۆكەخانەكە بەتەواوەتی وەستێندران، بەڵام بەهیچ شێوەیەك دەستی فڕۆكەوانی نەیانتوانی ئەو تەنە نامۆیە بەدی بكەن، سەرەڕای ئەوەی بە ڤیدیۆ ئەو تەنەیان تۆماركردووە".