نەوزاد رەباتی، کاندیدی هەڵبژاردنی ئەنجومەنی ژووری بازرگانی سلێمانی، لە کۆتا پەیامیدا بۆ ئەندامانی ژوور دەڵێت بەشداری کاراتان هەبێت.
وا بڕیارە سبەی هەڵبژاردنی ئەندامانی ئەنجومەنی ژووری بازرگانی و پیشەسازی سلێمانی بەڕێوەبچێت، نەوزاد غەفور کەریم ناسراو بە (نەوزاد رەباتی)، لە کۆتا پەیامیدا پێش بەرێوەچوونی پڕۆسەکە رایگەیاند:" داوا لە بازرگانان، پیشەسازان و کاسبکارانی شاری سلێمانی دەکەم لە هەڵبژاردنەکەدا بەشدارییەکی کارایان هەبێت و متمانەمان پێبدەن".
وتیشی:" داوایان لێدەکەم نوێنەری راستەقینەی خۆیان هەڵبژێرن کە بتوانێت زیاتر خزمەت بە توێژەکەی خۆمان و شاری سلێمانی بکات".
