بڕیارە ئەمڕۆ یەكشەممە لە شاری بەغدای پایتەخت بۆ سێیەمینجار محەمەد شیاع سودانی، سەرۆك وەزیرانی عێراق لەگەڵ لایەنە سیاسییە براوەكانی هەڵبژاردنی ئەنجومەنی پارێزگای كەركوك كۆببێتەوە.
چاوەڕواندەكرێت بۆ گەیشتن بە لێكتێگەیشتنێكی كۆتایی بۆ پێكهێنانی حكومەتی خۆجێیی لە پارێزگای كەركوك محەمەد شیاع سودانی و لایەنە سیاسییەكانی كەركوك كۆبوونەوە.
ئەمەش لەكاتێكدایە، دكتۆر ئەحمەد كەركوكی، ئەندامی ئەنجومەنی پارێزگای كەركوك لە راگەیەندراوێكدا ربڵاوكردبووەوە، هەرچەندە تا ئێستا هیچ شتێكی نوێ نییە لەبارەی دیاریكردنی پارێزگاری كەركوك، بەڵام ئومێدیان هەیە كۆبوونەوەی سێیەم زۆر بابەت یەكلایی بكاتەوە.