دەربارەی بڕیارەكانی دادگای فیدڕاڵی و هەژماری من، ئەنجومەنی مامۆستا و فەرمانبەرانی ناڕازی هەڵوێستی خۆیان راگەیاند.
دڵشاد میرانی، ئەندامی دەستەی ئەنجومەنی مامۆستا و فەرمانبەرانی ناڕازی لە لێدوانێكدا رایگەیاند:" داوای لە مامۆستا و مووچەخۆران دەكەین پشتگیری لە بڕیاری دادگای باڵای فیدڕاڵی بكەن و بۆ بنەجێكردنی مووچە لە بانكە عێراقییەكان یەكدەنگ و یەك هەڵوێست بن".
ئاماژەی بەوەشكردووە:" بەداخەوە حزبێكی دیاریكراو دەیەوێت بە زۆرەملێ بەسەر فەرمانبەرانی هەرێمی كوردستاندا هەژماری من بیسەپێنبێت و ئێمە ئەو بڕیارە رەتدەكەینەوە".
باسی لەوەشكردووە:" (هەژماری من) لەلایەن حكومەتی عێراقەوە رەتكراوەتەوە و هیوای ئەوەشدەخوازین لەڕێی بانكە فیدراڵییەكانی رەشید و رافیدەین كە ،لە چەند رۆژی داهاتوودا بنكەكانیان لە شارەكانی هەرێمی كوردستان دەكرێتەوە، مووچەخۆرانی هەرێم بە مافەكانی خۆیان بگەن".