دوای دوو رۆژ لە راگرتنی
گەشتە ئاسمانییەکانی نێوان عێراق و ئێران، سبەینێ گەشتەکان دەستپێدەکەنەوە.
هێڵی ئاسمانی عێراق لە ئاگادارییەکدا
بۆ هاوڵاتییان و گەشتیاران بڵاویکردەوە، سبەی سێشەممە، 16ی نیسانی 2024، گەشتە
ئاسمانییەکانی نێوان عێراق و ئێران دەستپێدەکەنەوە.
ئەمەش لەکاتێکدایە، بەهۆی
هێرشە ئاسمانییەکەی شەوی شەممەی رابردووی ئێران بۆ سەر ئیسرائیل، هەریەک لە
وڵاتانی عێراق، ئوردن و لوبنان ئاسمانی وڵاتەکانیان بەڕووی سەرجەم فڕۆکە مەدەنییەکان
راگرت، بەهۆی هێوربوونەوەی دۆخەکەش لە سبەی سێشەممەوە عێراق و ئێران دەست بە گەشتە
ئاسمانییەکانیان دەکەنەوە.
بە گوێرەی ئەو خشتەیەی هێڵی
ئاسمانی عێراق بڵاویکردووەتەوە، گەشتەکانی سبەینێی نێوان عێراق و ئێران بەمشێوەیە
دەبێت:
- بەغدا بۆ مەشهەد، کاتژمێر 7:30 خولەکی بەیانی
- نەجەف بۆ ئەسفەهان،
کاتژمێر 9:45 خولەکی بەیانی
- مەشهەد بۆ بەغدا،
کاتژمێر 11:00ی بەیانی
- سلێمانی بۆ تاران،
کاتژمێر 12:30 خولەکی نیوەڕۆ
- ئەسفەهان بۆ نەجەف، کاتژمێر
12:30 خولەکی نیوەڕۆ
- تاران بۆ سلێمانی،
کاتژمێر 3:15 خولەکی ئێوارە
- بەغدا بۆ تاران، کاتژمێر
5:00 خولەکی ئێوارە
- تاران بۆ بەغدا،
کاتژمێر 8:00ی شەو