بۆ ئەمڕۆ، بانکی ناوەندی عێراق زیاتر لە 280 ملیۆن دۆلاری بە شێوەی کاش و حەواڵە خستەبازاڕەوە.

ئەمڕۆ چوارشەممە، بانکی ناوەندی عێراق بڕی 280 ملیۆن و 112 هەزار و 188 دۆلاری خستە بازاڕەکانەوە، کە لەو بڕە 256 ملیۆن و 202 هەزار و 188 دۆلاری بە شێوەی حەواڵە بووە.

هەروەها، لە کۆی فرۆشی دۆلاری ئەمڕۆ لەلایەن بانکی ناوەندی عێراقەوە، تەنها 23 ملیۆن و 910 هەزار دۆلاری بە شێوەی کاش بووە.

ئەوەش لەکاتێکدا، لە ئێستادا 100 دۆلاری ئەمەریکی بە 147 هەزار دیناری عێراقی مامەڵەی پێوەدەکرێت، کە چەند رۆژێکە نرخەکەی بە جێگیری ماوەتەوە.