بابەتە سەرەکییەکە: لە سنووری شارباژێڕ ئۆتۆمبێلێک لە رێگەی فڕۆکەی بێ فڕۆکەوانەوە بە ئامانج گیرا.

کێ وتی: عوسمان ئەنوەر قائیمقامی قەزای شارباژێڕ بە BMC راگەیاند: لە ناحیەی زەلانی سنووری چوارتا، لە رێگەی فڕۆکەی بێ فڕۆکەوانەوە ئۆتۆمبێلێک بە ئامانج گیرا.

زیاتر: لە ئەنجامی رووداوەکە سێ کەس گیانیان لەدەستداوە کە دووانیان منداڵن و تاوەکو ئێستا رەگەزیان نەزانراوە.

دوێنێ: لەسەر رێگای خەلەکان ئۆتۆمبێلێک لە رێگەی فڕۆکەی بێ فڕۆکەوانەوە بە ئامانج گیرا و لە ئەنجامدا دوو کوڕ و باوکێک گیانیان لەدەستدا.