بابەتە سەرەکیەکە: شارەزایەکی کەشناسی رایگەیاند، حاڵەتێکی ناسەقامگیریی کەشوهه‌وا له‌ناوەڕاستی ئەم هەفتەیەوە ڕوو له‌هه‌رێمى كوردستان ده‌كات.

کێ وتی: ئاراس جەبار ئەحمەد شارەزای کەشناسی رایگەیاند: چالاکی بای بەھێزی باکوری ڕۆژھەڵات لەسبەی ئێوارەوە کەمدەبێتەوە، ھەر لەگەڵ کۆتاییھاتنی ره‌شه‌باکەدا پێشبینی دەکرێت پاڵەپەستۆیەکی نزمی ھەوا بەبارستە ھەوایەکی شێدارەوە لەباشوری وڵاتی ئەوروپاوە جوڵە بکات بەسەر ناوچەکانی باکوری کوردستان‌ و لەنێوان ئێوارەی رۆژی سێشەممە بۆ نیوەرۆی رۆژی چوارشەممە.

ئەمەش هەیە: ئه‌و ره‌وشه‌ش خۆی دەبینێتەوە لەحاڵەتێکی ناجێگیری کەشو بەرگەھەواو چالاکبوونی باو ھەورە بروسکەی بەھێزو تاوە بارانی مامناوەند و بەخوڕ دەبێت بەتایبەت بۆ سەر هەندێ ناوچەی هەرێم.

زیاتر: چاوەروانی بارانی بەھێز و لافاویشی لێدەکرێ لە رووبەرێکی کەمدا ھەورێکی ستونی کەڵەکە بەبەھێزی گەشەبکات و تەرزە و بارانێکی زۆر ببارێت.