بابەتە سەرەکییە: بافڵ
جەلال تاڵەبانی سەرۆکی یەکێتی نیشتمانی لە دەباشان پێشوازی لە شێخ ئەدهەم عوسمان
شێخ ئەحمەد بارزانی کرد.
راگەیەندراوی فەرمی:
نوسینگەی راگەیاندنی سەرۆکی یەکێتی بڵاویکردەوە: لە دیدارەکێدا کە هاوڕێ شێخ دارۆ، ئەندامی مەکتەبی سیاسی
ئامادەیبوو، دواپەرەسەندنەکان لەسەر ئاستی گۆڕەپانی سیاسی هەرێمی کوردستان، عیراق
و ناوچەکە تاوتوێکرا و جەخت لە هەماهەنگی و هاریکاری زیاتر لە نێوان هێزە
شۆڕشگێڕەکان و دەربەستی کوردایەتی و کەسایەتییەکانی کرایەوە کە پەرۆشی بنیادنانی
حکومڕانییەکی تەندروستن.
زیاتر: سەرۆکی یەکێتی وێڕای بە گەرمی بەخێرهێنانەوەی لە تەندروستی
پرسی و بەڕێزەوە لە رۆڵ و پێگەی شێخ ئەدهەم و شێخانی بارزانی رووانی کە رۆڵیان لە
خەبات و تێکۆشانی کوردایەتی و چاکەکاریدا دیار و بەرچاو بووە.
هاوکات: شێخ ئەدهەم سوپاس و پێزانینی شێخانی بارزانی بە بافڵ جەلال
تاڵەبانی گەیاند لەبەرامبەر وتارەکەی و نرخاندی بۆ پێگەی شێخی بارزان و شێخ
ئەحمەدی بارزانی، ووتی، ئەوە جێگای رێز و تەقدیری هەموویان بوو و بەدڵ سوپاسی
سەرۆکی یەکێتی دەکەن.
چی تر: هەر
لە دیدارەکەدا شێخ ئەدهەم پشتیوانی تەواوی بۆ سیاسەتەکانی سەرۆکی یەکێتی دەربڕی و
رایگەیاند: هەڵوێستەکانت لەسەر ئاستی کوردستان و عیراق و بابەتە نەتەوەییەکان جێگای
پێزانینمانە و وەک هەمیشە هیوای سەرکەوتنت بۆ دەخوازین.