بابەتە سەرەکییەکە:
قوباد تاڵەبانی لێپرسراوی مەکتەبی سکرتارییەتی سەرۆک مام جەلال و بەرپرسی بازنەی
راپەڕین لە هەڵبژاردنی پەرلەمانی کوردستان، لەدوای بەڕێوەچوونی پڕۆسەی هەڵبژاردن
لە رانیە لەگەڵ بەرپرسی بازنەکان و تیمەکانی کەمپینی بانگەشە هەڵبژاردنی یەکێتی لە
سنووری ئیدارەکە کۆبووەوە.
چی هەیە: لە کۆبوونەوەکەدا
قوباد تاڵەبانی سوپاسی دانیشتوانی دەڤەری راپەڕین و ئەندامانی
کەمپینی بانگەشەی هەڵبژاردنی یەکێتی و کادیران و جەماوەری یەکێتی لە سنوورەکە کرد
بۆ ئەو سەرکەوتنە گەورەیەی لە هەڵبژاردندا تۆماریان کرد و جارێکیتر دەڤەری
راپەڕینیان سەوزپۆش کردەوە.
زیاتر: ناوبراو رایگەیاند: دانیشتوانی بە شەرەفی دەڤەری راپەڕین بەم
پشتگیرییە گەورەیان لە یەکێتی، سەری یەکێتییان بەرز کردەوە و جارێکی تر یەکێتییان
قەرزاری خۆیان کردەوە.
ئەمەشی وت: هەرگیز جارێکی دیکە یەکێتی کەمتەرخەم نابێت بەرامبەر
جەماوەرە دڵسۆزەکەی و خواست و ئیرادەی جەماوەری یەکێتی هەمان خواست و سیاسەتی
یەکێتی دەبێت.
چی تر: وەکچۆن ئێوە لە دەنگداندا راستگۆ و بەوەفا بوون بەرامبەرمان،
یەکێتیش لە دوای هەڵبژاردن راستگۆ و بەوەفا دەبێت لەگەڵتان و کارێك ناکەین رۆژێک
لە رۆژان لە دەنگدان و پشتگیریکردنی یەکێتی پەشیمان ببنەوە.
داواکاری: ناوبراو داوای لە ئەندامانی کەمپینی بانگەشەی هەڵبژاردنی
یەکێتی کرد: سارد نەبنەوە و لە ئێستاوە خۆتان ئامادە بکەن بۆ هەڵبژاردنەکانی خولی
داهاتووی ئەنجومەنی نوێنەرانی عێراق، چونکە یەکێتی چاوی لە سەرکەوتنێکی گەورەترە.