بابەتە سەرەکیەکە: باڵیۆزی ئەمریكا لە عێراق، سەبارەت بە کۆتاییهاتنی پرۆسەی هەڵبژاردنی هەرێم، پەیامێکی بڵاوکردەوە و رایگەیاند، پێویستە بە زووترین
کات لایەنەکان حکومەتی نوێ پێکبهێنن.
پەیامی فەرمی: ئالینا رۆمانۆسكی باڵیۆزی ئەمریكا لە عێراق رایگەیاند: ئەمریكا
پیرۆزبایی لە هاوڵاتیانی هەرێمی كوردستانی عێراق و سەرجەم هێزە سیاسییەكان دەكات
بەبۆنەی تەواوكردنی سەركەوتووانەی هەڵبژاردنەكانی پەرلەمانی هەرێمی کوردستان.
ئەمەشی وت: كارمەندانی نوێنەرایەتیی ئەمریكا لە عێراق لە ماوەی دوو
رۆژدا چاودێریی پڕۆسەی هەڵبژاردنەكانی لە ناوەندە جیاوازەكانی دەنگدان كرد، وتیشی:
ئەمریکا دەستخۆشی لە هاوڵاتییانی هەرێمی كوردستان دەكات بۆ پابەندبوونیان بە
دیموكراسی و پێكهێنانی حكومەتی نوێ.
زیاتر: پێویستە لایەنەکان بەبێ دواکەوتن حکومەت پێکبهێنن،
پێکهێنانی حکومەتی نوێ رێگا خۆش دەکات کە دام و دەزگا دیموکراسییەکان بەهێز بکات و
مافەکانی مرۆڤ بەرەو پێش ببات و برەو بە گەشەپێدانی ئابووری بدات و خۆڕاگریی
هەرێمی کوردستان پتەو بکات.