بابەتە سەرەکیەکە: ئیسرائیل ماڵی گەورە بەرپرسانی ئێران بۆ ئامانجی هێرشەكەی زیاد دەكات و هەروەها پلانی هێرشكردنە سەر ئێران رادەستی بڕیار بەدەستانی ئیسرائیل كراوە.

کێ وتی: كەناڵی 14 ئیسرائیل لە زاری سەرچاوەیەکی سەربازیەوە بڵاویكردەوە: لە پلانی هێرشی ئیسرائیل بۆ سەر ئێران, ماڵی گەورە بەرپرسانی ئێران وەك ئامانج بۆ هێرشە چاوەڕوانكراوەكەی ئیسرائیل زیادكراوە وەک تۆڵەیەک بۆ هەوڵی کوشتنی ناتانیاهۆ.

ئەمەشی وت: سوپای ئیسرائیل و دەزگای هەواڵگری دەرەوەی ئیسرائیل، پلانێکیان پێشکەش بە بنیامین ناتانیاهۆ، سەرۆک وەزیرانی ئیسرائیل و یۆئاڤ گالانت وەزیری بەرگری وڵاتەکەی کردووە بۆ وەڵامدانەوەی هێرشە مووشەکییەکەی ئێران.

زیاتر: وردەکارییەکانی پلانەکە تەنها ژمارەیەکی کەم لە بەرپرسان دەزانن و بژاردەی فراوانی لەخۆگرتووە بۆ هێرشکردن، لەوانە دامەزراوە نەوتی و گاز، ئامانجە سەربازی و حکومییەکان، ماڵی بەرپرسانی ئێرانیش بووە بە یەکێک لە بژاردەکان.