بابەتە سەرەکیەکە: پارێزگاری سلێمانی بەبۆنەی کۆتاییهاتنی هەڵبژاردن و راگەیاندنی ئەنجامەکان پەیامێکی بڵاوکردەوە و دەڵێت: دەخوازین بە زوترین كات لایەنەكان بگەنە رێكکەوتن بۆ پێكهێنانی حكومەت.
پەیامی فەرمی: هەڤاڵ ئەبوبەکر پارێزگاری سلێمانی رایگەیاند: بەبۆنەی
ڕاگەیاندنی ئەنجامە بەراییەكانی هەڵبژاردنەكانی پەرلەمانی كوردستانەوە، بەناوی
پارێزگای سلێمانییەوە پیرۆزبایی خۆمان پێشكەش بە هەموو ئێوەی بەڕێزو هەموو
بەشداربووانی ئەم پرۆسەیە رادەگەیەنین، بە كرداریی و بەپێی یاساو رێكارە كارگێڕیی
و ئارامیی و خزمەتگوزارییەكان خۆمان بە خاوەنی ڕاستەقینەی بەرێوەچوونی ئەم پرۆسەیە
لە سنوری پارێزگاكەماندا دەزانین.
ئەمەشی وت: وەک چۆن لە ماوەی حوكمڕانیی و لە ماوەی بانگەشەو هەڵمەتی
هەڵبژاردنەكان و ڕۆژی دەنگدانیشدا بەیەک دووریی بەرامبەر هەمووان وەستاین و بەبەڵگەی
ئەوەی براوە جیاوازەكان زۆرتر لەم پارێزگایەدان، بۆ داهاتووش تا ئەو كاتەی ئێمە
بەپێی یاسا لەم پێگەیەدا دەبین بەو بێلایەنییەوە كە هەموو لایەك گەواهیی بۆ دەدات.
چی دیکە: دەرگای پارێزگا وەک لە رابردەودا سەلماندومانەو بەڕەوایەتیی 241241
دەنگی فەرمیی و زیاتر لە 416000 دەنگی نافەرمیی و بە دەنگی كۆی فراكسیۆنەكانی
ئەنجومەنی پارێزگای سلێمانی بۆ هەموو كەس و لایەك كراوە دەبێت و هاوكارو پشتیوانی
هەموو كارێكی باش و یاسایی دەبین كە لە خزمەتی هاووڵاتیاندا بێت.
زیاتر: دەخوازین بە زوترین كات وەڵامی ئیرادە و دەنگی رەوای هاوڵاتیان
بدرێتەوە و لایەنەكان بگەنە رێكکەوتنێک بۆ پێكهێنانی حكومەتێكی هاوڵاتی سەنتەریی و
مەدەنیی و خزمەتگوزار و دادپەروەر و یاساسەروەر و تیوار و بەرپرسیار، كە لە ئاست
بوون و رەسەنایەتیی و مێژوو خوێن و ژان و قوربانیدان و رەنج و تێكۆشان و وەفاو
دەنگ و جوامێریی خەڵكی كوردستاندا بێت.