بابەتە سەرەکیەکە: شاندی دەم پارتی سەردانی، دەوڵەت باخچەلی سەرۆکی گشتی مەهەپەی کرد و سەبارەت بە پڕۆسەی ئاشتی کۆبونەوە.
ئەوەی پێویستە بیزانیت: لەو کۆبونەوەیەدا کە لە نووسینگەی باخچەلی لە پەرلەمانی تورکیا بەڕێوەچو، شاندەکەی دەم پارتی پێکهاتبو لە هەریەک لە پەروین بوڵدان، سری سورەییە ئۆندەر و سیاسەتمەداری کورد ئەحمەد تورک.
زیاتر: کۆبونەوەکە 45 خولەکی خایاند و دور لە میدیاکان بە داخراوی ئەنجامدرا و تاوەکو ئێستا هیچ وردەکارییەکی ناوەرۆکی کۆبونەوەکەش ئاشکرا نەکراوە.
پێشتر: شاندی دەم پارتی سەردانی نومان کورتولموش سەرۆکی پەرلەمانی تورکیایان کرد و کۆبونەوەیەکی داخراویان ئەنجامدا.