بابەتە سەرەکیەکە: رۆژنامەیەکی بەریتانی ئاشکرای دەکات، ئیلۆن ماسکی ملیاردێر و ژمارەیەک کەسایەتی نزیک لە ترەمپ، گرنگترین ئەرکیان پێدەدرێت لە کابینە نوێیەکەیدا.

کێ وتی: رۆژنامەی The Gurdian ـی بەریتانی بڵاویکردەوە: ئیلۆن ماسک لە ماوەی بانگەشەی هەڵبژاردندا پاڵپشتیکارێکی سەرسەختی ترەمپ بووە، و چاوەڕوان دەکرێت وەزارەتی کارامەیی لە کابینەکەی جێ بکاتەوە کە پێشنیازی ماسک بووە.

ئەمەش هەیە: مایک پۆمپیۆ، بەرێوەبەری پێشووی سی ئای ئەی و وەزیری دەرەوەی ئەمریکا، کە  لایەنگری ئیسرائیلیە بە رکابەرێکی سەرەکی دادەنرێت بۆ وەرگرتنی پۆستی وەزیری دەرەوەی ئەمریکا.

چی دیکە: سیناتۆری کۆماریی ڕاستڕەو تۆم کۆتۆن، لە ساڵی 2020 خۆپیشاندانی هاوڵاتییانی بە یاخیبوون ناوزەند کرد و داوای لە حکومەت کرد، سوپای ئەمریکا لە دژی خۆپیشاندەران بڵاوە پێبکات، لە ئێستادا وەک رکابەرێک بۆ پۆستی وەزیری بەرگری تەماشا دەکرێت.

ئەمەش بزانە: رۆبێرت لایتیزەر کە گەورەترین بەرپرسی بازرگانی دۆناڵد ترەمپە، باوەڕێکی بەهێزی بە باجی گومرگی هەیە و یەکێک بووە لە کەسایەتییە سەرەکییەکانی شەڕی بازرگانی ترەمپ لەگەڵ چین، بە دڵنیاییەوە دەگەڕێتەوە بۆ کابینەکەی ترەمپ و وەزارەتی بازرگانی پێدەدرێت.

زیاتر: ستیڤن میلەر یەکێکی ترە لە پێشنیارکراوەکان بۆ پۆستی کۆچ و کۆچبەران، بە ئەندازیاری سەرەکی قەدەغەکردنی گەشتی موسڵمانان دادەنرێت بۆ ئەمریکا، هاوکات بانگەشەی سەرەکی ترەمپیش بریتی بوو لە دیپۆرتکردنەوەی بەکۆمەڵ و رووبەڕوبوونەوەی توندڕەوی، چاوەڕوان دەکرێت پۆستێکی باڵای ناوخۆیی پێبدرێت.