بابەتە سەرەکیەکە: سەرۆکی دەستەی تەحریر شام رایگەیاند، بەم نزیکانە دەسەڵاتی نوێی سوریا لیستی ناوی ئەو کەسانەی بە ئەشکەنجەدانی گەلی سوریا تێوەگلاون بڵاودەکاتەوە.

لێدوانی فەرمی: ئەحمەد ئەلشەرع  ناسراو بە ئەبو محەمەد جۆلانی لە تۆڕی کۆمەڵایەتی تێلێگرام رایگەیاند:  پاداشت پێشکەشی هەر کەسێک دەکەین، کە زانیاریی لەسەر ئەفسەرانی پلە باڵای سوپا و هێزە ئەمنییەکان بدات، ئەوانەی لە تاوانەکانی جەنگ تێوەگلاون.

ئەمەشی وت: بەڵێنمان داوە ئەو کەسانەی  بۆ دەرەوەی وڵات هەڵاتون، بدۆزینەوە، بۆ ئەوەی سزای دادپەروەرانەیان وەربگرن.

زیاتر: ئێمە پابەندبونمان بە لێبوردنی گشتی دووپاتدەکەینەوە بەرامبەر بەو کەسانەی دەستیان بە خوێنی گەلی سووریا سوور نەبووە، لێبوردنەکە ئەو کەسانەش دەگرێتەوە کە لە خزمەتی سەربازیدا بون.

چی تر: خوێن و مافەکانی کوژراو و دەستگیرکراوانی بێتاوان بەفیڕۆ ناچێت و لەبیر ناکرێن، بەمەبەستی لێپێچینەوە و لێپرسینەوە لەگەڵیاندا، لیستی ئەو کەسانە بڵاودەکرێتەوە کە تێوەگلاون لە ئەشکەنجەدانی گەلی سوریا.