بابەتە سەرەکیەکە: خواردنه‌وه‌ی شیر به‌ خاوی و به‌بێ ئه‌وه‌ی بكوڵێندرێت، هۆكاری گواستنه‌وه‌ی ڤایرۆسه‌كانه‌ بۆ مرۆڤ، به‌ تایبه‌ت ئه‌نفلۆنزای باڵنده‌ و به‌راز.

کێ وتی: زانكۆی ستانفۆردی ئه‌مه‌ریكی بڵاویکردەوە، ڤایرۆسی ناسراو به‌ ئه‌نفلۆنزای باڵنده‌ و ئه‌نفلۆنزای به‌راز، بۆ ماوه‌ی پێنج ڕۆژ له‌ شیری سارددا به‌ كارایی ده‌مێننه‌وه‌.

ئەمەش هەیە: بە پێێ لێکۆڵینەوەی زانکۆکە نه‌كوڵاندنی شیر و خواردنه‌وه‌ی به‌ خاوی و ساردی، هۆكارێكی سه‌ره‌كی و كاریگه‌ره‌ بۆ گواستنه‌وه‌ی ئه‌و ڤایرۆسەکان.

بە پێی راپۆرتەکە: تاوەکو ساڵی 2018 شیری خاو و په‌نیر هۆكاری رێژه‌ی 96%ـی ئه‌و نه‌خۆشییانه‌ بون، كه‌ له‌ ماوه‌ی چوار ساڵدا بڵاوبوونه‌وه‌ و هۆكاره‌كه‌یان ئه‌و ڤایرۆسانه‌ بوون كه‌ له‌ خۆراكه‌وه‌ ده‌گواسترێنه‌وه‌.