بابەتە سەرەکیەکە: ئه‌حمه‌د شه‌رع رایگەیاند، سوریا پێویستی
بە نزیکەی ساڵێکە بۆ ئەوەی هاوڵاتی گۆڕانکاری ریشەیی لە خزمەتگوزاریدا ببینێت.
لێدوانی فەرمی: ئەحمەد شەرع سه‌رۆكی ده‌سه‌ڵاتی ئیداره‌ی نوێی سوریا لە
چاوپێکەوتنێکیدا لەگەڵ کەناڵی ئەلعەرەبییە رایگەیاند،
ئیداره‌ی ئێستای سوریا له‌گه‌ڵ هێزه‌كانی سوریای دیموكرات (هه‌سه‌ده) دانوستان ده‌كات
بۆ چاره‌سه‌ری قه‌یرانی باكوری رۆژهه‌ڵاتی سوریا.
وتیشی: ''من خۆم به رزگاركه‌ری سوریا نازانم، به‌ڵكو هه‌ر كه‌سێك قوربانی
داوه رزگاركه‌ری سوریایه".
هاوکات: گروپه چه‌كداره‌كان زۆر به‌ئاگا بون بۆ ئەوەی لە کاتی پڕۆسەی رزگارییدا
زیانی گیانی و ئاوارەبون نەبێت، زۆر هەوڵیانداوە گواستنەوەی دەسەڵات بە ئاسانی بەڕێوەبچێت.
ئاماژەی بەوەشکرد: گروپە چەکدارەکان هەڵدەوەشێننەوە لەنێویاندا هه‌یئه‌ی تەحریر
شام، ئەوەش لە کۆنفرانسی دیالۆگی نیشتمانیدا رادەگەیەنن.
داواشیکرد: ئیدارەی نوێی ئەمریکا بە سەرۆکایەتی دۆناڵد ترەمپ سزاکانی سەر سوریا هەڵبگرێت.