بابەتە
سەرەکیەکە: عەلی حەمەساڵح چەند وردەکارییەکی مەترسیدار سەبارەت بە هەرێم ئاشکرا
دەکات.
لێدوانی فەرمی:
عەلی حەمەساڵح، ئەندامی پەرلەمانی كوردستان رایگەیاند، بەغدا بۆ ئەمساڵ زیاتر لە 10 ترلیۆن
و 900 ملیار دیناری بۆ موچەی هەرێم ناردوە و دارایی هەرێمیش دەڵێت نزیكەی 960 ملیاری
داهاتی ناوخۆیان بۆ موچە خەرجكردووە.
ئەوەشی وت: ئەو
دوو بڕە كۆبكەرەوە و دابەشی 12ی بكە، مانگی 988 ملیار دینار دەكات كە بەشی موچەی هەر
12 مانگەكە دەكات بەڵام تائێستا هەرێم ئامادە نییە موچەی مانگی 12 دابەشبکات.
ئاماژەی
بەوەشکرد: ماوه‌ی 20 رۆژه سه‌رقاڵی لێكۆڵینه‌وه‌ن له‌سه‌ر گرێبه‌ست و بڕیارێكی
"مه‌ترسیداری"ی وه‌زاره‌تی ته‌ندروستی كه جێبه‌جێكردنی زیانێكی گه‌وره‌ی
ده‌بێت.
ئەوەی خستەروو:
211 جۆر مادده هه‌یه له تاقیگه‌كانی كه‌رتی ته‌ندروستی كه پێشتر ساڵانه به‌ڕێوه‌به‌رایه‌تی
ته‌ندروستی به‌جیا گرێبه‌ستیان بۆ ده‌كرد و له‌نێوان كۆمپانیاكان كێبڕكێ ده‌كرا، ئێستا
هه‌ڵوه‌شاوه‌ته‌وه وه‌زاره‌تی ته‌ندروستی بۆ ماوه‌ی 10 ساڵ سه‌رجه‌م كه‌ره‌سته‌كان
له كۆمپانیای بیت كۆ ده‌كڕدرێت.
وتیشی: به‌پێی
ئه‌و گرێبەستە چیتر كێبڕكێ و دانانی نرخ نه‌ماوه و وه‌زاره‌تی رێكه‌وتوه له‌گه‌ڵیدا
كه خۆیان نرخ داده‌نێن و كوالێتیش چه‌ندین هێنده دابه‌زیوه، به‌های چه‌ند مادده‌یه‌ك
له پێنج ملیار دیناره‌وه به‌رزبوه‌ته‌وه بۆ 24 ملیار دینار.
هاوکات: ئەو
پەرلەمانتارە باس لەوە دەکات، شیكاری ڤایرۆسی بانكی خوێن دراوه به كۆمپانیایه‌كی
ئیتاڵی، كه "خوێن ده‌داته منداڵانی سالاسیما و توشبوان شێرپه‌نجه ئه‌و كۆمپانیایه
له رێبه‌ری WHO تۆمار نه‌كراوه، پێشتریش له به‌ڕێوه‌به‌رایه‌تی ته‌ندروستییه‌كان
لابراوه له‌به‌ر ئه‌وه‌ی مه‌ترسی هه‌بوه به‌هۆی خوێنه‌كه‌وه توشبون به ڤایرۆسی
ئایدز و جگه‌ر بهێنێت".