بابەتە سەرەکیەکە: سەرۆکی کۆمەڵەی کورتە باڵاکانی کوردستان رایگەیاند، عەممار حەکیم بەڵێنیدا کار بۆ هاوتاکردنی موچەکانمان لەگەڵ عێراق بکات.

لێدوانی فەرمی: عومەر جەبار، سەرۆکی کۆمەڵەی کورتەباڵاکانی کوردستان رایگەیاند، نوسراوێکیان ئاراستەی عەممار حەکیم، سەرۆکی رەوتی حیکمە کرد، دەربارەی ئەوەی ستەم لە خاوەن پێداویستییەکانی هەرێم کراوە و تەنها بڕی 150 هەزار دیناریان وەک موچە پێدەدرێت.

ئاماژەی بەوەکرد: عەممار حەکیم بەڵێنی پێدان دەبێتە پارێزەری ئەوان و داواکارییەکانیان دەگەیەنێت کار دەکات بۆ ئەوەی کە موچەکانیان هاوتای خاوەنپێداویستییەکانی عێراق بکرێت.