بابەتە سەرەکیەکە: بەرێوەبەرایەتی کەشناسى و بومەلەرزەزانی پێشبینیەکانی کەشوهەوای ئەمڕۆ و سبەی شارەکانی هەرێمی بڵاوکردەوە.
راگەیەندراوی فەرمی: بەڕێوەبەرایەتی گشتی کەشناسى و بومەلەرزەزانی بڵاویکردەوە: ئەمڕۆ هەینی، ئاسمان ساماڵ و پەڵە هەور دەبێت و پلەکانی گەرما نزیکدەبنەوە لە تۆمارکراوەکانی دوێنێ.
زیاتر: سبەی شەممە، ئاسمان لە نێوان نیمچە هەور و هەوری تەواو دەبێت و لە كاتەكانی دوای نیوەڕۆ نمە باران لە هەندێك ناوچە دەبارێت، لە شەودا كاریگەری دابارین زیاد دەكات و نمە باران و بارانی مامناوەند لە زۆربەی ناوچەكان دەبارێت بە تایبەت لە سنوری پارێزگای دهۆك و سلێمانی و ئیدارە سەربەخۆكانی سۆران و ڕاپەڕین.
چی تر: هەروەها پێشبینی بارینی بەفرێكی كەم دەكرێت لە ناوچە شاخاوییەکان، پلەکانی گەرماش دوو تا چوار پلە نزمدەبنەوە بەراورد بە تۆمارکراوەکانی ئەمڕۆ.