بابەتە سەرەکییەکە: ناوەڕۆکی کۆبونەوەکەی نێوان مەسعود بارزانی و
مەزڵوم عەبدی بلاوکرایەوە.
راگەیەندراوی فەرمی: بارەگای بارزانی بڵاویکردەوە: ئێوارەی ئەمڕۆ
پێنجشەممە، مەسعود بارزانی سەرۆکی پارتی دیموکراتی کوردستان لە سەڵاحەدین پێشوازی
لە مەزڵوم عەبدی فەرماندەی هەسەدە کرد.
زیاتر: لەم دیدارەدا بارودۆخی سوریا و دوا پێشهاتە ئەمنی و
سیاسییەکانی سوریا، هەروەها چوارچێوەی گشتیی مامەڵەکردنی لایەنە کوردییەکان لەگەڵ
بارودۆخی تازەی سوریا و چۆنیەتیی گرتنەبەری هەڵوێستێکی هاوبەشی لایەنە کوردییەکانی
سوریا تاوتوێ کرا.
هاوکات: جەخت لەوەکرایەوە، پێویستە لایەنە کوردیەکانی سوریا بەبێ
دەستوەردانی هیچ لایەنەک و بە رێککاری ئاشتییانە بڕیار لە چارەنووسی خۆیان بدەن و
لەپێناو زامنکردنی مافەکانیان بە یەکڕێزی و یەکهەڵوێستیی هاوبەش لەگەڵ حکومڕانانی
تازەی سوریا بگەنە لێکتێگەیشتن و فاکتەری ئاشتی و سەقامگیری بن و رێگری بکەن لە دوبارەبوونەوەی
ئەو نەهامەتیانەی بەسەر گەلی کورد و پێکهاتەکانی تری سووریادا هاتوون.