بابەتە سەرەکیەکە: زۆر هۆکار هەیە بۆ تێکچوونی سوڕی مانگانەی ژنان، بەڵام گرنگترین حاڵەت کە پێویستە دەستنیشان بکرێت کیسی هێلکەدانە.

ئەوەی پێویستە بیزانیت: کیسی هێلکەدان زۆرترین کات لەسەر هێلکەدان دروست دەبێت. ئەم کیسە زۆر جۆری هەیە وەکو کیسی(وەزیفی، خوێناوی، ئاوی، شیرپەنجەیی) لە کاتی دروستبوونی هەر جۆرێکیان سوڕی مانگانەی تێکدەچێت و ئازار لە سکی دروست دەبێت.

هۆکارەکانی دروستبونی کیسی هێلکەدان:

-هۆکارەکانی دروستبوونی کیس زۆرە، بەڵام باوترینیان توڕەبوونی زۆر و نائارامی دەرونییە.

-هۆکارێکی تر گۆڕانی هۆرۆمۆناتە لە ئافرەتدا، وادەکات کیس لەسەر هێلکەدان دروستبێت، کە نا ئارامی دەرونی یەک لە هۆکارە بەهێزەکانی تێکچوونی هۆرۆمۆناتە.

-بۆماوەیی هۆکارێکی دیکەیە کە هەندێجار ئافرەتانی خیزانەکە لە دایک یان داپیریانەوە هێلکەدانیان کیس دروست دەکات.

چارەسەرکرەکان چیین؟

-جۆرێک لە چارەسەر ئەوەیە کە دەتوانرێ بە پێدانی دەرمان چارەسەر بکرێت و کیسەکە لەگەڵ خوێنی سوڕی مانگانە دێتە خوارەوە. جۆرێکیشیان دەبێ بە نەشتەرگەری لاببرێت.

- ئێستا نازور بۆ ئەم مەبەستە بەکاردەهێنرێت، کە رێگەیەکی ئاسانە سێ کون دەکرێتە دەوروبەری منداڵدانی ئافرەت لەوێوە دەردەهێنرێت برینێکی گەورە دروست ناکات و دەتوانرێت بۆ رۆژی دواتر نەخۆشەکە هەستێتە سەرپێ.

-ئەگەر کیسەکە زۆر گەورەبێت یان گومانی شێرپەنجەی لێبکرێت، دوای سی تی سکان و رەنین و پشکنینی تاقیگەیی، گومانەکە پشتڕاستکرایەوە، دەبێ بە نەشتەرگەری کردنەوەی سک لاببرێت بەڵام ئەگەر گومانیشی لێبکرێت کە شێر پەنجەیەو کیسەکە بچووک بێت، ئەوا دەتوانرێ بە نازور لاببرێت.