بابەتە سەرەکیەکە: لە ساڵیادی رزگارکردنی کۆبانێ مەزڵوم عەبدی پەیامێکی بڵاوکردەوە و ئاماژەی بەوەکرد، رزگاركردنی کۆبانێ تەنها دەستکەوتێکی سەربازی نەبوو، بەڵکو گۆڕانکارییەکی ستراتیژیی و ئازادی و شکۆ بووە.

لێدوانی فەرمی: مەزڵوم عەبدی، فەرماندەی هێزەکانی سوریای دیموکرات(هەسەدە) رایگەیاند، لە ساڵیادی ئازادکردنەوەی کۆبانێ لە دەستی تیرۆریستانی داعش، بیر لەو سەرکەوتنە گەورەیە دەکەینەوە کە بە قوربانیدانی قارەمانەکان بەدیهاتووە و روناکی و ئومێدی بۆ تەواوی سورییەکان گەڕاندەوە.

ئەوەشی وت: لەگەڵ هێزەکانی هاوپەیمانان بەردەوام دەبن لە شەڕی دژ بە تیرۆر هەوڵ بۆ بونیاتنانەوەی سوریایەکی ئارام و سەقامگیر دەدەین.

باسی لەوەشکرد:'' ئەو رێگەیەی لە کۆبانێ بۆ سەرکەوتن گرتمانەبەر، لەسەری بەردەوام دەبین بەرەو ئایندەیەکی باشتر بۆ گەلەکەمان''.