بابەتە سەرەکیەکە: سەرچاوەیەک لە وەزارەتى دارایی حکومەتى عێراق رایگەیاند، بەهۆی جێبەجێ نەکردنی داواکاریەکانی حکومەتی عێراق ئەمڕۆ شاندى هەرێم ناچێتە بەغدا.

کێ وتی: سەرچاوەیەک لە وەزارەتی دارایی عێراق بە میدیای فەرمی یەکێتی راگەیاند، وەزارەتى دارایی عێراق داواى لە شاندى هەرێمى کوردستان کردبوو، پێویستە تەرازووى پێداچوونەوەى مانگى 12ـى ساڵى 2024 و لیستى موچەى مانگى کانوونى دووەم بە سیستمى پەیرۆڵ لەگەڵ خۆیان ببەنە بەغدا و ناوى ئەو فەرمانبەرانەشى خانەنشینى دەیانگرێتەوە لە لیستەکەدا دیاریی بکرێت.

ئەمەشی وت: شاندەکە هیچکام لەو داواکارییانەى وەزارەتى دارایی عێراقی جێبەجێ نەکردوە بۆیە چوونى شاندەکە بۆ بەغدا دەکەوێتە کۆتایی هەفتە.

ئاماژەی بەوەشکرد: تاوەکو ئێستا وردبینی تیمى تەکنیکى وەزارەتى دارایی عێراق لە هەرێم بەردەوامە و پێداچونەوە لە سێ داواکارییەکەى وەزارەتەکەیان دەکەن.