بابەتە سەرەکیەکە: وتەبێژی یەکێتی خانەنشینانی کوردستان رایگەیاند،ئەوکەسانەی خانەنشین دەبن بەپێی یاسای خانەنشینی عیراق پێویستە موچەی ساڵێک بە تەواوی دەرماڵەکانەوە وەربگرن.

لێدوانی فەرمی: سادق عوسمان وتەبێژی یەکێتی خانەنشینانی کوردستان بە میدیای فەرمی یەکێتی راگەیاند، بەپێی رێنماییەکانی وەزارەتی دارایی ئەو کەسانەی خانەنشین دەبن لە 31ـی12وە لەکارترازانیان بۆ دەکرێت و  لەرۆژی 1ـی 1ـەوە دەچنە سەر میلاکی خانەنشینی و لەسەرەتای ساڵەوە وەک خانەنشین هەژمار دەکرێن.

ئەوەشی وت: لە دایکبوانی ساڵی 1965 کە بڕیارەکە دەیانگرێتەوە لە چ رۆژێکدا لە دایک بووبێت، ئەوا لەو رۆژەی ساڵی 2025دا خانەنشین دەکرێن.

ئاماژەی بەوەشکرد: ئەو کەسانە بڕیاردراوە ناوەکانیان لە لیستی موچەی مانگی یەکدا دەربهێنرێت و ئەم مانگە وەک خانەنشین موچە وەردەگرن، بۆیە ناردنی لیستی موچەی مانگی یەک بەهۆی دەرکردنی لیستی خانەنشینانەوە ئەگەری هەیە دوابکەوێت.

ویشی: بەپێی یاسای ژمارەی 9ی عیراقی پێویستە خانەنشینبووەکان موچەی ساڵێک بە تەواوی دەرماڵەکانەوە وەربگرن ،بەڵام ئەو شەش موچەیەی کە پێشتر لە هەرێم بە خانەنشینان دەدرا، ئەوە موچەی مۆڵەتە کەڵەکە بووەکان بوو.