بابەتە سەرەکیەکە: وەزارەتی دارایی و ئابوری هەرێمی کوردستان راگەیەندراوێکی سەبارەت بە لیستی موچە بڵاوکردەوە.

راگەیەندراوی فەرمی: ئەمڕۆ سێشەممە وەزارەتی دارایی و ئابوری هەرێمی کوردستان رایگەیاند، ''لیستی موچەی فەرمانبەرانی هەرێم پاک و بێ کێشەیە بەڵگەش بۆ ئەوە هەموو ئەو پارانەی لەمانگی شوبات تاوەکو حوزەیران وەزارەتی دارایی فیدراڵ بەبیانوی بونی ناوی دوبارە و لەیەک چو، کێشەی بایۆمەتری و ژمارەی وەزیفی ڕایگرتن، دوای پێدانی ڕونکردنەوە و خستنەڕوی داتا و زانیاریەکان سەرجەم ئەو لێبڕینانە خەرج کرایەوە.''

ئاماژە بەوەشکراوە: ''پرسی موچە کێشەیەکی کۆن و گشتگیرە و تەنها وەزارەتی دارایی و ئابوری هەرێمی کوردستان لێی بەرپرسیار نییە، بەڵکو هەمو بابەتێکی تایبەت بەموچە لە ئەنجومەنی وەزیرانی هەرێمی کوردستان بڕیاری لەسەر دەدرێت و هەموو لایەنە بەشداربوەکانی کابینەی نۆیەم بەپێی ڕێژەی خۆیان بەرپرسن لەو کێشەیە.''

هاوکات: وەزارەتی دارایی هەرێم ئەوەشی خستوەتەروو، ''نە وەزیری دارایی و نە وەزارەتەکەی هێزی سەربازی و پێشمەرگە و میلیشیای نییە، تەنانەت پارێزگاری وەزیر و وەزارەتیش لەلایەن هێزەکانی ناوخۆوە دەکرێت، بۆیە کاری بەناو زیادکردنی نەمردو نەزیندوو نییە ، کێ خاوەنی ئەوانەن بەڕێزی ئەگەر دەوێرێت با بچێت پرسیاریان لێ بکات"