بابەتە سەرەکیەکە: رەجەب تەیب ئەردۆغان سەرۆککۆماری تورکیا پێشوازی سەرۆکی ئەنجومەنی بزوتنەوەی حەماس محەمەد دەروێش کرد.

راگەیەندراوی فەرمی: سەرۆکایەتی کۆماری تورکیا بڵاویکردەوە: سەرۆککۆمار ئەردۆغان لە کۆشکی کۆماریی پێشوازی لە شاندێکی بزووتنەوەی حەماس کرد و پرسی ئاگربەست لە غەززە و دوایین دۆخی فەڵەستینیان تاوتوێ کرد.

ئەمەش هەیە: لە دیدارەکەدا سەرکۆمار ئەردۆغان ڕایگەیاند، بەرخۆدانی 471 رۆژەی حەماس جارێکی دیکە نیشانیدا کە رۆحی خۆڕاگری لەناو ناچێت.

زیاتر: ئەردۆغان راشیگەیاند، تورکیا بەردەوام دەبێت لەسەر گەیاندنی ڕاستییەکانی غەززە و هیواشی خواست قۆناغی دووەم و سێیەمی ئاگربەست بە سەرکەوتویی جێبەجێ بکرێت.

چی تر: لە دیدارەکەدا هەریەکە لە وەزیری دەرەوە هاکان فیدان، سەرۆکی دەزگای هەواڵگریی نیشتمانی (میت) ئیبراهیم کاڵن، سەرۆکی فەرمانگەی پەیوەندییەکان فەخرەدین ئاڵتون، سەرۆکی نووسینگەی سەرۆککۆمار حەسەن دۆغان و راوێژکاری باڵای ئاسایش و سیاسەتی دەرەوە ئاکیڤ چاغاتای و راوێژکار سەفەر توران ئامادەیبون.